21 Февруари – Меѓународен ден на Мајчиниот јазик
На 21 Февруари го одбележуваме Меѓународен ден на Мајчиниот јазик, ден посветен на богатството на јазиците и на важноста на зачувувањето на Мајчиниот јазик. Овој ден е прогласен од страна на УНЕСКО во 1999 година, со цел да се поттикне почитување на јазичната разновидност и културното наследство низ светот.
Мајчиниот јазик е првиот јазик што го слушаме, јазикот на кој ги изговараме првите зборови, јазикот на кој учиме да сакаме, да мислиме и да сонуваме. Тој е дел од нашиот идентитет и мост што нè поврзува со нашите корени, традиција и култура.
Во светот постојат илјадници јазици, но многу од нив се во опасност од исчезнување. Со секој изгубен јазик се губи и дел од историјата, мудроста и уникатниот поглед кон светот. Затоа е важно да го негуваме, чуваме и почитуваме својот Мајчин јазик, но и да ги почитуваме јазиците на другите.
Нашиот македонски јазик е богатство што треба да го чуваме со правилно користење, со читање книги, со љубов кон пишаниот збор и со гордост кон сопствениот идентитет.
Нека овој ден нè потсети дека секој јазик е вреден, секој збор има сила, а почитта кон различностите нè прави подобри луѓе.
Поврзани содржини